1 Pagbunuh Akkal Akkal
Parinta nagpikilan
manga military general nagkaisunan
pa gubnul timangdan
pilak kawasa iyumpan
lupah sug hantang akkalan
Ubus nagpilma
general nag ordil
opisyal iban tindug pulitik piyulin
sinapang iban sin
kan gubnul hi bin
mangga mayul iban gubnul nagpikil..
nagbista...alta iban kawasa
yaun na ha lawm lima
abut nagkaisunan
jimanji pa general
misan uni in diman hirihil
basta sinapang hiumpan
unu pa kaw, general nagkuman
mayul gubnul timabang
lupah sug dahpugan!
sundalu natipun na
helecopter yaun na
bam kanyun tiluh
nabal plane simaunuh
timuyung pa sin pagbunuh!
Sundalu limahsay
nanunug lupah bay
pagkahi ta piyagtawakkal
biyaman miyultal
nagsulang saling in patay
tumtumun ta ra kuman ha atay
bunuh way kasabunnalan
Lupah sug kiyaakkalan
ha ngan sin kasawa iban sinapang
pagkahi hinang dagangan!
2 Maap, Kah Tuan!
Inihambuuk pangasubu
pa manga bilal iban mga kaguruhan ko
dih na aku maglampik
arapun maapa niyu man ako
bang sammal dungugun sin manga maas biyah kaniyu
maytah bahah hikasipug
bang awn ma-reyp ha kauman mu?
Maas uway mahinang
anak iyusibaan tahan dakuman
tumapuk sin kasipugan.
Batah dih na makapagsumbung
siyasanggupan hilapun
pa manga lahasiyah patayun
maap da kuman kah tuan
hikapangasubu ku ra kuman
maytah bihayan in hijajaan
sin biyah kaniyuh kimakamput agama Islam
pila na budjang budjang nagtitirung
pulak pulak adlaw iyausibaan ditun ha lungan?
Walang komento:
Mag-post ng isang Komento