Aku na Sadja Daran

(Magsukul ha bata-bata ha TV commercial)

Magdakdak… aku

Magtugna’… aku

Magpaduru’… aku

Magpahid  si’pun… aku

Magpaw’puh… aku

Magsapu … aku

Bang maburus dusa ku

Bang di maburus way kapūs-pūsan ku

Bang mareyp hikasipug ku

Bang magfile case makalag hiluhala’ in maas ku

Bang aku magpalingkat naglandi’ aku

Bang di magpalingkat dagbus saytan aku

Bang di magbissara way kaingatan ku

Bang mabissara malata  aku

Bang malallay, hikabu’gat aku

Bang mabiskay, tomboy

Bang way turung bisaya’

Bang nag aabaya na... Arab

Bang makayug adik

Bang matambuk, biya’ kaw kabaw

Bang maingat, makalandu in ingat hangkan wayruun na nakapaghula

Bang  di’ maingat, asal in manga babai way kaingatan

Bang di umatu binasahun

Bang umatu batang-biyabasun

Bang mangasubu, maita kaw makialam, gadji ku ra ini

Bang di mangasubu, way aku nagbayta pasal way ra kaw isab nangasubu

Bang di magpasuuk paimportante, maita, malingkat kaw?

Bang magpahulid, baisan, puta!

O Tuhan ku, bang aku mabuhi magbalik

Di na aku mabaya mahinang babai,

Hinanga sadja aku batu!

Reconstructed and translated into Tausug by Salma Alawi, Wahid Kasiri iban Amil Nuraji